2023 թվականը մեծ ձեռբերումների տարի էր ինձ համար: Տարին սկսելուն պես ես ձեռք բերեցի իմ ֆոտոապառատը, ընթացքում նաև այն տեխնիկաները որոնք ինձ անհրաժեշտ էին: Ու գնալով ավելի հետաքրքիր էր դառնում քոլեջի դասերը մանավանդ երբ այդ օրվա դասը կապված էր տեխնիկայի հետ: Ես առաջին անգամ ընդունվեցի աշխատանքի, բայց դա ինձ համար ավելի շատ փորձ էր նոր գիտելիքներ ձեռք բերելու: Սովորեցի ֆոտոշոփի ծրագիրը և ավելի շատ էի ոգևորվում երբ բացի գեղեցիկ նկարներ անելը նաև կարողանում եմ դրանք մշակել: Ընկեր Սուսանի խորհուրդը և կարծիքը ամեն նկարիս շատ կարևոր էր, և լավ հիշում եմ որ ասաց չպետք է մնամ մի տեղում և այլ ոլորտներ էլ պետք է փորձեմ: Ես ընդունվեցի մի ռեստորանում աշխատանքի՝ որպես լուսանկարչուհի, ամեն բան շատ խորթ էր ինձ մասնավորապես լույսով աշխատանքը, բայց ես այդ փուլն էլ անցա: Հետո ընդունվեցի աշխատանքի մեկ այլ ֆոտոստուդիա, որը կենտրոնացված էր փոքրերին նկարելու վրա, էստեղ ամենամեծ փորձը ստացա, երբ կիսվում էի իմ իմացածով և փորձով՝ ընկեր Սուսանի ոգևորությունը ինձ ավելի էր ոգևորում: Դուրս եկա աշխատանքից մտածելով, որ այս պահին ցանկանում եմ ինքս ինձնով ստեղծագործել: Քոլեջում վիդեո ռոլիկներ նկարելը հենց այն էր ինչ այդ պահին ես ցանկանում էի, հասկացա, որ կարող եմ ինձ փորձել նաև այդ ոլորտում: Հիմա նոր զգում եմ տարբերությունը իմ տարեսկզբյան աշխատանքների և վերջին ամսվա աշխատանքների միջև: Սկսեցինք ուսումնասիրել նաև մոնտաժ, որը ևս շատ դուր եկավ ինձ, շատ կարևոր է ամեն ոլորտում փորձել՝ գտնել քեզ, ես շատ պատահական եմ ընտրել այս մասնագիտությունը, բայց հիմա հասկանում եմ, որ հենց սա է իմը:
Ստորև կթողնեմ իմ աշխատանքները՝
Հիմնական նշաններ Canon ոսպնյակների վրա
Վավերագրական լուսանկարչություն
Մոնտաժ՝
Գծանկար գրաֆիկայի և դիզայնի հիմունքներով՝